बोदे बर्साईन : सप्तरीको बोदे बर्साईन नगरपालिका युवाहरुद्वारा “युनाइटेड मिसन नगर युवा समिति”  गठन गरिएको छ । नगरपालिकाको १० वटै वडाहरु समेटि सामाजिक सन्जाल मार्फत अनौपचारिक रुपमा गठन भएको हो। अहिलेको युवाको अवस्थालाई मध्यनजर गर्दै सोमबार भर्चुअल बैठक बसी नयाँ समिती गठन गरिएको हो।

बोदे बर्साईन नगरपालिका -५ का युवा समाजसेवी सुदिप कुमार यादव रुपकको अध्यक्षतामा र स्थानीय युवा प्रमोद यादवको उपस्थितिमा सो समितिमा २१ सदस्य रहेका छन् । जस मध्ये समितिको अध्यक्षमा ओम प्रकाश यादव उपाध्यक्षमा राम चरण साह , घनश्याम यादव र रबिन कुमार यादव , महा- सचिबमा अफताव आलम , सचिबमा धिरज कुमार यादव , स-सचिबमा धिरज कुमार राउत ,कोषाध्यक्षमा राम उदगार यादव र क्रमश: १२ जना सदस्य रहेका छन् ।

नगर भित्रका समसामयिक विषयबस्तु उठाउँदै सम्बन्धित निकायलाई जिम्मेवार बनाउँदै समाज रुपान्तरणमा सहयोग गर्ने उद्धेश्यले युवा समिति गठन गरिएको अध्यक्ष यादवले जानकारी दिए ।

न्यायप्रेमी युवाहरु युवा संघमा, सामाजिक परिवर्तन युवाको काँधमा भन्ने मूल नाराका साथ युवा समितिले बोदे बर्साईन नगरपालिका ५ स्थित श्री चन्दा नमुना माध्यमिक बिधालयको खेलमैदानमा भव्य कार्यक्रमका विच भेला सम्पन्न गरेको हो ।