उमेश कुमार साह:१९ मंसिर सोमबार : बोदे बर्साईन 

बोदे बर्साईन: नवनिर्वाचित मधेस प्रदेश सरकारका प्रदेश सभा सदस्य माननीय अनिरुद्व सिंह यादवले बोदे बर्साईन स्थित चन्द्रा शत्रुध्न क्याम्पसको आधुनिक डिजाइनको सुबिधा सम्पन्न चार कोठे क्याम्पस भवनको शिलान्यास गरेका छन्।

सप्तरी जिल्ला क्षेत्र नम्बर ४ ख बाट नवनिर्वाचित प्रदेश सांसद यादवले बोदे बर्साईन नगरपालिकाको चन्द्रा शत्रुध्न क्याम्पसको चार कोठे भवन निर्माण गर्न शिलान्यास गरेका हुन्।

मधेस प्रदेश सरकारका भौतिक पुर्वाधार बिकास मन्त्रालयको आयोजनामा जम्मा ५० लाखको लागतमा निर्माण हुने क्याम्पस भवनको शिलान्यास गर्दै प्रदेश सांसद यादवले आफूले जनताको सेवक बनी शिक्षाको क्षेत्रका निरन्तर सहयोग गरिरहने प्रतिबद्धता व्यक्त गरेका छन्।

शिलान्यासको अवसरमा बोदे बर्साईन नगरपालिकाका नगर प्रमुख आतेश कुमार सिंह यादव , श्री चन्द्रा नमुना मा बिधालयका प्रअ गौरीशंकर चौधरी , क्याम्पसका क्याम्पस प्रमुख, अध्यापकहरू, विद्यार्थी तथा स्थानीय बुद्धिजीवी र समाजसेवीको सहभागिता रहेको थियो। लामो समयदेखि सञ्चालनमा रहेको क्याम्पसको आधुनिक भवन निर्माण भएपछि विद्यार्थीलाई आधुनिक सुविधा सम्पन्न शिक्षा प्रदान गर्न सजिलो हुने उपभोक्त समितीका अध्यक्ष जय नारायण यादवले बताए ।