शहिदनगर नगरपालिकामा रामायण हाजिरीजवाफ प्रतियोगिता सम्पन्न !

जनकपुरधाम । धनुषाको शहिदनगर नगरपालिकामा आयोजित हाजरी जवाफ प्रतियोगीतामा श्री मा.वि. महुलिया प्रथम भएको छ । मिथिला एकता समाजको आयोजनामा नगरपालिकाको वडा नं. ३ यदुकोहा स्थित श्री राष्ट्रिय आधारभुत विद्यालयमा आयोजित रामायण हाजरी जवाफ प्रतियोगितामा सहभागी कुल छ विद्यालयहरु मध्ये महुलियाको श्री मा.वि. महुलिया प्रथम भएको हो । त्यसैगरि प्रतियोगीतामा श्री राष्ट्रिय आधारभूत विद्यालय यदुकोहा दृतिय, श्री जनता नि.मा.वि. कुम्भकरण तृतिय र श्री जनता आधारभूत विद्यालय नाथपट्टि बिसरभोडा चतुर्थ भएको हो ।

नगरपालिका प्रमुख उदय कुमार बरबरिया यादवको विशेष उपस्थितीमा भएको प्रतियोगीतामा विजेताहरुलाई पुरस्कृत गरिएको छ । प्रतियोगीताको निर्णायकमा स्रोत व्यक्ति धनेश्वर यादव निर्णायक थिए भने समाजका अध्यक्ष डिके चौधरी, प्रदीप साह, लालबाबु हाथी सहितका सहभागिता थियो । कार्यक्रममा विशेष सहयोग गर्ने विजय सिंह, विष्णु देव यादव, ब्रह्मदेव यादव, बेचन नदाफ लाई सम्मान पनि गरिएको थियो । प्रतियोगीतामा नगरका विजेता विद्यालयहरु वाहेक श्री राष्ट्रिय प्राथमिक विद्यालय, डुमरिया र श्री आधारभूत विद्यालय, हडबडाको सहभागिता थियो ।