महोत्तरी : महोत्तरीको मनरासिसवा नगरपालिकामा बिगत केही दिनदेखि निकै चर्चामा रहेका खुल्लेआम भ्रष्टाचार, घुसखोरी र बलात्कारका घटनाप्रती हाम्रो गम्भीर ध्यानाकर्षण भएको छ। अस्तिमात्र नगरपालिकाको वार्ड ६ मा एउटा नाबालिक किशोरीलाई उपमेयरकै श्रीमानबाट बलात्कारको प्रयास गर्नु र हातखुट्टा बाधेर शौचालय भित्र थुन्नु अति निन्दनीय र घोर भ्रत्सना योग्य तथा अमानवीय क्रियाकलाप रहेको हाम्रो ठहर छ।
सत्ता र शक्तिमै रहेको ब्यक्तिको खास नातागोताबाट यस्ता घृणित एंव अमानवीय तथा गलत क्रियाकलाप हुनु र अहिलेसम्म दोषीहरु कानुनी दायरा भन्दा बाहिर रहेकोबाट आज नगरवासी अति चिन्तित, दुखी र मर्माहित बनेका छन। पैसा, सत्ता र शक्तिकै भरमा दोषी उन्मुक्ति पाउनु हुदैन भन्ने हाम्रो मत छ। गरिब र मुक्ति कामी जनतालाई कुनै पनि बहानामा न्यायबाट बन्चित गर्न मिल्दैन। न्याय सबैका लागि समान हुनुपर्छ। र राज्यले सबैलाई समान नजरले हेरेमात्र लोकतन्त्रको अनुभुती आम जनतालाई हुन्छ।
त्यसैले यस घटनाको दोषी सबैलाई तत्काल कानुनी दायरामा ल्याइ कडा भन्दा कडा कारवाहीको लागी स्थानीय प्रशासन, प्रदेश सरकार तथा केन्द्रिय सरकारसँग जोरदार माग गर्दछौं। र नगरपालिकामा भ्रष्टाचार, घुसखोरी नियन्त्रण तथा शान्ति एंव सुशासन कायम गर्न असफल एंव असक्षम मेयर तथा उपमेयरले सार्वजनिक माफी माग्दै पदबाट तत्काल राजिनामा गरि बालिकाको न्याय प्राप्तिको बाटोलाई सहज बनाइदिन पनि मांग गर्दछौं ।
धन्यवाद !! जय जनता जय जनतन्त्र !!
दिपक कुमार सिंह
महोत्तरी जिल्ला संयोजक
जनतान्त्रिक तराई मुक्ति मोर्चा
एवं
राष्ट्र बचाउ अभियान
Discussion about this post